اختفاء صور PS3 الرمزية من PS5 — وش السالفة بالضبط؟
نظرة معمقة على اختفاء صور PS3 الرمزية المدفوعة من PS5 وتطبيق البلايستيشن. تشمل ردود الدعم الفني، شرح DRM، وتجارب مجتمع اللاعبين.
تمت ترجمة وكتابة هذه التدوينة بواسطة Delta
والمحتوى مأخوذ من التدوينة الأصلية باللغة الإنجليزية:
رابط التدوينة الأصلية
المشكلة
إذا دخلت على PS5 ولاحظت إن بعض الصور الرمزية المدفوعة اللي كنت شاريها أيام PS3 اختفت، فأنت مو لحالك. فيه عدد كبير من الناس على Reddit وحتى مواقع أخبار الألعاب تكلموا عن هالشي.
أنا شخصيًا قررت أبحث، تواصلت مع الدعم، وهذي كل التفاصيل اللي وصلت لها.
وش قالوا الدعم الفني؟
تواصلت مع دعم بلايستيشن بشكل مباشر، وجاهم هذا الرد بالنص:
“الشي اللي لاحظته عن هالصور الرمزية إنها مرتبطة بنظام DRM محلي خاص بـ PS3. فـ ممكن بعد أحد التحديثات الأخيرة على PS5، صار ما يمديك تستخدمها.”
وش يعني DRM؟
هي اختصار لـ “إدارة الحقوق الرقمية” — نظام يتحكم في كيف تشتغل المحتويات الرقمية ومن يملك حق استخدامها.
الصور الرمزية القديمة كانت مرتبطة بنظام الترخيص المحلي حق PS3، يعني لما تحملها على PS3 يفعّلها الجهاز داخليًا.
بس PS5 ما يستخدم نفس النظام هذا. فـ إذا سوني ما نقلت الصور هذي بطريقة صحيحة لنظام الترخيص السحابي، الأجهزة الجديدة مثل PS4/PS5 ما راح تتعرف عليها أو تشغلها.
تصعيد المشكلة وحدود وصول الدعم
بعد ما جربت كل الطرق العادية وما نفع شيء، رجعت تواصلت مع الدعم الفني. المرة الثانية قالوا لازم يرفعون المشكلة لقسم أعلى.
السبب إن الدعم العادي ما يقدر يشوف أو يعدّل كل تفاصيل الحساب. القسم الأعلى غالبًا فيه موظفين سوني بإمكانيات إدارية متقدمة.
عادةً إذا تم تصعيد حالتك، يوصلك إيميل من شخص من هذا القسم خلال خمس أيام عمل أو أقل. إذا وصلني شيء، راح أرجع أحدث التدوينة.
عطوني عدة خطوات لحل المشكلة، بس ما نفعت لأن الموضوع يحتاج تدخل من داخل النظام نفسه.
لو تبغى تعرف أكثر عن الفرق بين دعم سوني الخارجي والداخلي، شوف التدوينة الثانية هنا:
تفصيل دعم بلايستيشن والفرق بين الأقسام
وش قالوا الناس في Reddit؟
المشكلة انطرحت أول شي في r/PS3،
وr/playstation،
وأيضًا في منتدى PSNProfiles.
بعض الملاحظات اللي قالوها المستخدمين:
- فيه ناس لا زالت تشوف صورها الرمزية من خلال تطبيق PS App.
- ناس ثانية يقدرون يحملونها فقط على PS3.
- وبعضهم اختفت عندهم بالكامل من كل المنصات الحديثة.
أحدهم قال:
“دخلت على PS3 → رحت لـ PSN → حملتها من جديد. وطلعت لي بقسم الصور الرمزية المدفوعة، لكن فقط على الـ PS3.”
واحد ثاني قال:
“شيكت تطبيق PS app وكل صوري الرمزية موجودة، فـ يمكن كان خلل مؤقت.”
الواضح إن ظهور الصور يعتمد على حالتك، وقت ما أخذت الصورة، وإذا الترخيص حقها لا زال مفعّل.
وش قالت وسائل الإعلام؟
موقع PlayStation Lifestyle أكد إن:
- المشكلة مأثرة على عدد كبير من اللاعبين، مو حسابات فردية بس.
- سوني ما علّقت رسميًا على الموضوع، لكن الأغلب إنه خلل تقني أو مشكلة مزامنة، مو حذف مقصود.
- الناس اللي عندهم PS3 لا زالوا يقدرون يشوفون الصور ويستخدمونها هناك.
يعني الصور مو محذوفة، لكنها ما تظهر على الواجهات الحديثة مثل PS5 أو التطبيق.
هل تقدر ترجعها؟
جزئياً. هذي بعض الأشياء اللي ممكن تجربها:
- لو عندك PS3: ادخل على “قائمة التحميلات” أو “إدارة الحساب” وحمّل الصور من جديد.
- شيّك تطبيق PS App: فيه ناس قالوا إن الصور لا زالت تظهر عندهم ويقدرون يعيّنونها كصورة بروفايل.
- تواصل مع الدعم الفني: إذا كثير ناس بلغوا عن نفس المشكلة، ممكن يرفعونها لفريق أعلى.
بس ما فيه ضمان إن الصور ترجع إلا إذا سوني نزلت تحديث يحل مشكلة DRM على كل الأجهزة.
الأفاتارز ما انحذفت فعليًا، لكن محبوسة خلف أجهزة الجيل القديم زي الـ PS3 أو حتى الـ PS Vita. يعني لو ما عندك هالأجهزة، كأنها اختفت.
لو عندك أي سؤال أو تبغى تعرف أكثر، تعال سيرفر الديسكورد من هنا: StarStation - Discord
ليه الموضوع مهم أصلاً؟
إذا شي دفعت عليه فلوس يختفي بسبب نظام الترخيص، فهذي علامة خطر على كل شي تشتريه رقميًا من بلايستيشن.
الموضوع ممكن يصير مع:
- الثيمات القديمة
- ألعاب PS3/PSP
- إضافات استخدمت DRM محلي
فـ دايم حاول تتابع وش اشتريت، خصوصًا إذا من جيل PS3.
الخلاصة
سوني لازم تحل المشكلة. المفروض الصور الرمزية ما تختفي كذا فجأة.
إلى ما تنزل سوني حل رسمي، إذا عندك PS3 حاول ترجع الصور بنفسك، ولا تنسى تبلغ الدعم.
وأي تحديث أو تصليح ينزل، راح أرجع أعدل على التدوينة مباشرة.